لنډه کیسه: شناخته کاندید

لنډه کیسه/ صدیق الله بدر

شناخته کاندید

په دویمه ورځ يې چې درېیم ځل هم زما تلفون ته ځواب رانه کړ، اندېښمن شوم. څو ځلې مې بیا بیا تلفون ته لاس کړ، خو بېرته پښېمانېدم، سوچونو په مخه کړم، له ځان سره مې وويل: تا ته نو چا ویل چې د خپل زړه خبره ورته کړه.

خو ژر دا سوچ راپیدا شو چې دموکراسي ده هر څوک یو نظر او یو انتخاب لري. ما خو د خپل انتخاب ورته وویل، که يې مخالفه ده حق لري خو ملګرتیا باید وساتي.